اخطر انواع النساء علي الرجال
عن البنت ال gold digger :
مؤخرا ابتدت تنتشر ظاهره البنت ال gold digger , ومش معناها المنقبه عن الذهب زى ما ترجمتها الحرفيه .
لكن دا مصطلح معناها " الباحثه عن المال " وبالرغم انه النوع دا موجود فى مصر بقاله كتير ومن زمان ، لكنه انتشر جدا جدا وبقيت بلاحظه كتير فى السنه الاخيره بالذات ، وتقريبا مبيعديش يوم الا لما اسمع من زوجه مشكله زوجيه بينهم او حتى بيت بينهار بسب ( الست دى ) لما دخلت حياتهم .
الست دى ببساطه بتكون الست الى بتدور على "الفلوس" من الراجل ، بتدور على النفوذ واحيانا المناصب والوظائف عن طريق راجل يضمنلها حياه كريمه معاها او حتى تستغله ماديا * ودا الى بتدور عليه من البدايه .
هى مش بتكون
او بتعمل علاقات بمقابل المال المباشر ، هى بتكون ذكيه جدا جدا جدااااا بانها متظهرش انها ر طر الاناث على الاطلاق غبتها ماديه من الاول .
فى الغالب بيكونو بيعانو من
- مشاكل فى الاحساس بالامان الداخلى . وبيعوضو دا بال"امان المالى " او باحساسها انها مرغوبه من كل الرجاله اللي بتقابلهم وبتتعامل معاهم عن طريق استغلال انوثتهم .
ودى اخطر انوع الستات على الاطلاق سواء على الرجل الناجح او حتى العلاقات الزوجيه او العاطفيه الطبيعيه .
ليه بقى خطر ، لانها بتكون .
- ، بتتتلاعب بالاخرين حواليها بدون ما تظهر اى نوايا او دوافع مباشرة ايدا .
- بتكون متعلمة وصاحبه شهادات عليا ودا بيساعدها انها تقدر تتقرب و تتواصل مع اى راجل يدخل فى حياتها.
- ماديا بتكون مرتاحه ( ودا الى هيصدمك ) انها بتكون ماديا كويسه وبتشتغل فى وظيفه كويسه تضمنلها حياه رائعه لكن هى دايما عايزه اكتر .
- بتقدر تتكلم بلغه الى قدامها وتجيبه يمين وشمال بدون حتى ما يحس انها بتحركه .
- - بتعرف ازاى تلبس كويس وبتحب البراندات جدا كنوع من انواع التفاخر والمظاهر عندها من المقدسات . -
فى الغالب بتكون 30 سنه فما فوق ، وبتكون اتعرضت لصدمه عاطفيه
فى سن المراهقة والنضج من رجاله كتير خانوها واستهلكوها او اتربت فى اسره الاب فيها كان بيستهلك الام عاطفيا او اتعرضت للتحرش المنتظم من احد الاقارب او اتعرضت للاغتصاب فى سن صغير او حتي اتعرضت للطلاق فعايزه تثبت لنفسها وللناس انها مرغوبه ومطلوبه .
ودا الى بيوصلها انه الرجاله مجرد كائنات قذره تستحق الانتقام والاستغلال سواء المادى او الجسدى كمان . ولذلك هي بتحب تظهرانوثتها لانها الطعم الى ' بيريلو عليه ' فى الغالب ..
فهى بتنتقم لمامتها او لنفسها بس بطريقه اكثر عمليه وبذكاء وبتشبع احساسها بالامان عن طريق " الماده " والممتلكات الغاليه ، والعربيات الغاليه وهكذا .
فريستها المفضله ( الرجال المتزوجين اللي بتحس انهم مخلصين لازوجاتهم واصحاب النفوذ او الى معاهم ماديات كويسه ) .
نادرا لما بشوف واحده كدا بتنكش فى راجل مش متزوج ( لانها بتحب تخرب البيوت ) ) .
بتشتغل على الغرائز الاساسيه عند الرجل لما بتتقرب منه وبتخططله كويس جدا وبتحسب كلماتها ومواقفها كويس لما بتدخل فى حياته
بتبينله انها مظلومه من كل اللي حوليها وملهاش حد ينصفها وبتحسسه انه هو الفارس اللي هينقظها وبتبدا تدخل في حياته ومشاكله وتستغلها لصالحها .
بتبينله انها الصديقة الوفيه وبتعمل كام موقف عشان تثبتله حبها واخلاصها كصديقة طبعا
* مره قابلت واحده كدا بالصدفه مع صديق عنده شركه ناشئه وابتدت تنجح وكان عازم ناس كتير فى افتتاح فرعه الجديد وابتديت الاحظ من لغه جسدها واتساع بؤبؤ عينيها انها عايزاه جدا ، واصريت انى اقعد معاهم على ترابيزه واحده ، ولقبتها بتستخدم اسلوب فى الاقناع اسمه ( ال
) المحاكاه ، ودا اسلوب بيدرسوه الى بيتعلمو "مبيعات " او اقناع بانهم يستخدمو نفس حركات الجسد ونفس المصطلحات الى الشخص الى قدامها بيستخدنه كنوع من خداع العقل الباطن انه يرتاح معاه اسرع ويقنعه اسرع.
لقيتها بتحاكى حركات جسده وصاحبنا مندمج اوى ومراته الطيبه مش واخده بالها برضو ومفكراها صاحبتها وبيخرجو مع بعض وبيعملو شوبينج وبيروحو نفس الكوافير ومقربين جدا من بعض * ومش مدركه يا عينى انها مجرد جزء من الخطه علشان توصل لجوزها .
المهم طلبت من صديقى دا على جنب كدا وقلتله انا هقول كام كلمه انجلش غلط وانا هتعمد اقولها غلط ، عايزك لما اقولها تستخدمها فى جمله عاديه بس تنطقها غلط برضو بنفس طريقه نطقى ليها
- قالى " عويس انا مش فاضى لالاعيبك الذهنيه دى دلوقتى " .
قولتله بس اسمع كلامى دا الموضوع هيضحك وهنسف على بعض .
وبالفعل بقيت كل كلمه بنطقها غلط ، فينطقها غلط ، فتنطقها غلط هى كمان * مع انها عارفه انها غلط ، لكن محاولتش تصححها حتى لينا احنا الاتنين ، وبتحاكيه جسديا حتى فى انفعالات حواجبه وحركه رموش عينيها .
ولما روحت بعتله رساله مفادها (- خلى بالك من جوازك وخلى بالك من مراتك ونصيحتى ابعد عن فلانه الفلانيه ) . مسمعش كلامى وحصلت تفاصيل كتير فى النص لكن النتيجه انه طلق مراته وصفى شركته وهاجر بره مصر . وطبعا اكيد انتو استنتجتو ايه الى حصل فى النص .
كمان بتبقى حريصة جدا انها تبقى المكان الامن للزوج وللزوحه وبتبقى حريصه انها تعرف مشاكلهم الزوجيه بحجه انها هتساعدهم وبتقدر تلم معلومات كتيره عن الزوج وبتستغلها صح وبتوظفها لمصلحتها .
كمان من تكنيكاتها لو مقدرتش تتواصل مع الرجل مباشره ( لانها احيانا النوع دا بيكون مشغول فى حياته العملية ) فبتدخل حياته عن طريق زوجته نفسها . ودا بيكون اخطر بمراحل على الزواج نفسه وتماسكه ..
هى ذكيه ومش طماعه ، هى عارفه هى بتدخل عايزه ايه مقابل هتدى ايه قصاده وكل الى بتحتاجه مجرد ( غلطه ) او نقطه ضعف لدى الزوج هتعرف تستغلها صح
اكتر اعدائها اللدودين الزوجيه الذكية.
-: الذكيه فعلا مش الهبله الى عامله ناصحه لان دول كتير اوى بتلاقى بنت عامله نفسها ناصحه وذكيه وبتحكيلك ليل نهار عن ذكائها الخارج وهى اصلا " عبيطه " ولسه منضجتش ذهنيا سامحونى بس دا بيحصل وبشوفه يوميا .
الزوجه الذكيه بتلمحها ، وبتحسها بسرعه وبتعرف نواياها من البدايه وبتعرف تحمى زواجها وتنجحه وبتبعد عنها على قدر المستطاع وتبعد زوحها عنها .
- الزوج الوفى المخلص لزوجته وحب حياته : دا بقى بيبقى تحدى ليها ونوعها المفضل خصوصا لو ناجح فى شغله ، وبتعمل العجب علشان توصله ، لكن لو هو " راجل " ومخلص بتزهق منه وبتدور على غيره .
- الشاب الطموح الى مش بيشتت عن هدفه : لانه واحده برضو من تكنيكاتها القويه هو انها بتعرف تربط نفسها ووجودها بشغفه وحياته وطموحه بيها وبتساعده احيانا فى الاول انه ينجح شويه وبعدها مبيعرفش يفلت منها او يقدر حتى يبعد عنها لو حب يعمل دا ، فطالما الشاب مركز اوى ومش بيشتت وماشى ورا حلمه وطموحه ومسيطر هو على 'رغبته ' مش العكس بتفشل برضو معاه وبتشوف حد أقل سيطره على 'نفسه ورغباته ' .
بالمناسبه الزوج ' المتدين ' برضو بيكون من فرائسها المفضله ، لانه اسرع واحد هتقنعه بزواجه منها وهتبقى زوجه تانيه ومش هيبقى عندها مشكله اطلاقا فى دا ، بالعكس دا هتفرح جدا .
لانها فى الغالب مش بيفرق معاها المعايير الدينيه او الاخلاقيه . وطبعا فكره الزواج هترفعها لمرتبه احسن واقوى واكثر هيمنه وسيطره على الزوج .
بالمناسبه البنت دي
مش دايما بتدور على فلوس ، احيانا هى اصلا بتكون غنيه ومرتاحه ماديا . لكن بتعمل دا كنوع من ( التلاعب ) بالرجاله والضحك عليهم وانها توصلهم لدرجه انهم يدمنوها .
. وانها تدمر زواج ناجح ومستقر لمجرد انها تثبت لنفسها انها تقدر تعمل دا لو حبت تعمله ..
وفى منهم نوع قليل جدا ، مقابلتوش كتير ، بيكون كل هدفه انه فقط يحس بالامان مش اكتر .
لانهم زى ما قولت مسبقا فى الغالب بيكون عندهم مشاكل فى الاحساس بالأمان الداخلى .
النوع دا خطر جدا ، لدرحه انه من خطورته ' النسوانجى بجبروته وسلطاته وباباغنوحه ' بيخاف منها لانها فى الغالب اذكى منه بمراحل وهو عارف انه لو دخل عشها هينهار ويتدمر والهرى الى حافظه وبيغنيه على كل بنت دا مش هيدخل عليها ابدا وانها فى حياتها كل شيئ ليه مقابل .
اما بخصوص الزوج المخلص الوفي حسب تربيته وحبه لمراته بيقدر ميدخلش عشها اويجعل نفسه لعبه لاي واحده مهما كانت قدراتها لانه بيكون احرص علي حياته الزوجيه من اي راجل تاني ولو وقع فريسه مره بياخد مناعه طول عمره من الاشكال دي او اي شكل تاني لاي واحده لانه بيشوف نفسه لعبه وبيلاقي نفسه هيهدم اسرته
الخلاصه.
.....
لو حسيتى انه فى واحده كدا فى حياتكو وبتقرب منك او من زوجك ، وبتعمل حاجه من الى قولناه فوق دى ، يبقى
اعرفى انه جه الوقت انك تتناقشى انتى وزوجك نقاش مهم لمستقبل علاقتكو وحياتكو وحبكو
.
منقول عن عبد المجيد عويس ..
